EF en Tarrio

En Tarrio podemos presumir de moitos nenos e nenas deportistas, que adestran nos diferentes clubes do concello. Un dos maiores exemplos é o da patinaxe (actividade extraescolar que tiña lugar no centro previamente á pandemia).  Tendo en conta que xa imos recuperando a normalidade, que mellor forma de ver os progresos do clube que cunha exhibición!!

 Xa se está a converter nunha tradición o de pechar o trimestre, neste último caso o curso, cunha xincana. Se no primeiro trimestre tivemos a xincana do PDI (a volta ao mundo) e no segundo trimestre a de pascua, nesta ocasión tocoule o turno á ¨xincana das árbores".  Por equipos, os alumnos trataron de resolver os diferentes retos para ser os primeiros en rematar a xincana. https://www.lavozdegalicia.es/album/coruna/culleredo/2022/06/10/ximcana-das-arbores-colegio-tarrio/01101654812801069899202.htm